Lehenago Amets Arzallusek legez, Igor Elortzak jokatuko du gugaz gaur Plateruena kafe antzokian eskainiko ditugun bi emanaldietan
Goizeko emanaldian, DBH eta Batxillergoko 340 lagun hurreratuko zaizkigu
iturria: bizkaiko bertsozale elkartea
Hona hemen Anboto astekariak sentikariko Oier Guillanegaz izandako elkarrizketaren pasarteak: Ikus-entzunezkoek, bertsoek, musikak eta antzerkiak bizituriko poesia mamitsua: ‘Gabrielen lekua’
Urtarrilaren 17an Durangoko Plateruena kafe antzokian izango gara
Goizeko 10:00etan ikastetxeetako neska-mutilekin
Gaueko 22:00etan hurreratzen den herritar ororekin
Sarrera: 10€ aurretik, 12€ bertan. Erosi
Asteon Gabrielen Lekua sentikariaren 3 emanaldi eskainiko ditugu:
Abenduaren 10ean Ordiziako Herri Antzokian izango gara:
Goizeko 11:00etan ikastetxeetako neska-mutilekin
Iluntzeko 19:00etan hurreratzen den ororekin
Argazkia: Joseba Barrenetxea
Abenduaren 13an, Elgetako Espaloia kafe antzokian elkartuko gara, 22:30etatik aurrera
Gabriel Arestiri omenaldia from aiaraldea komunikazio leihoa on Vimeo.
Bihar, abenduak 3 dituela Sopelako Kurtzio kultur etxean, 19:00etatik aurrera eskainiko dugun emanaldian, Amets Arzallusek beteko du Andoni Egañaren lekua
Sopelako Kurtzio kultur etxea
Gaur, azaroak 30 dituela Laudion eskainiko dugun emanaldia Udal Lanbide Heziketa Eskolaren ekitaldi aretoan izango da
Bihar, azaroak 28 dituela, UDAGOIENEKO OSTERA egitarau itzelaren baitan, bi emanaldi burutuko ditugu Bermeoko Kafe Antzokian.
Goizeko 11:00etan DBH 3-4 eta Batxillergoko ikasleei eskainiko diegu, iluntzeko 20:00etan hurreratzen den orori
Eskerrik asko TOPAGUNEAko bidelagunei
Atzo aurkeztu genuen GABRIELEN LEKUA disko-liburua Bilboko Kafe Antzokian
Gabrielen Lekua sentikaria 2014ko Eako poesia egunak jardunaldietara bitartean oholtzaratuko genuela jakinki, sentikariaren sortze prozesuak gugan utzitako arrastoa betikotzeari zilegi bezain ezinbesteko iritzi genion. Zertarako sortu, nori idatzi behar dio poetak, zein da gaur eta hemen, XXI. mendean, kantuaren funtzio soziala, denborapasa hutserako gura ez dugun antzerkiak zer taularatuta erasango ditu ikusentzulearen bihotzbegiak.
Idazle klasikoak noiznahikoak eta betikoak dira. Denborak ezin du ezabatu behiala urratu zuten bidea eta haien mezuak behin eta berriz agertzen dira garaian garaiko jendearen gogoan, bidarte batera helduta, norantz jo erabaki behar dugunean.
Halakoa dugu Gabriel Aresti, joan den mendeko semea izanagatik ere, zenbait belaunaldik jadanik idazle klasikotzat hartu dutena. Belaunaldi horietako sortzaile batzuek haren ondarearen gaurkotasuna aztertu dute liburu honetan.
Liburua
Arestiri gutun irekia, Amaia Lasa
Sortu dizkidanak, Andoni Egaña
Naizena. Diodana, Oier Guillan
Alderdirik gabeko komunista, Hedoi Etxarte
Gabriel Arestiren Bilbo zaharberrituan…, Luigi Anselmi
Aresti gurea, poemetan bizi zarena, Paddy Rekalde
Diskoa
Poesia mailu bat da
Nire izena
Bilbaoko kaleak
Neure mendean
Aresti eta Basarri
Zorrotzako portuan aldarrika
Gizonaren ahoa
Egia bat esateagatik
Beldurra gosari
Preso gaudenon ahoetatik
Iparragirren bozean noa
Nik eta diodana
Gabriel Aresti euskaltegian 4.mailan ikasten ari den Jon Egiak Gabrielen Lekua sentikaria ikusentzun ostean izandako gogoeta:
Sentikariek, bertsolariek legez, erraz asko egin dezakete poto, onanismoa praktikatzen duenak berak soilik gozatzen duelako. Zorionekoak gu, hortaz, Gabriel Arestiren omenez, edo haren izenean, sortu den lanak errima dotore askoa lortu duelako.
Zazpi lagun izan dira taula gainean, eta, sormenaren teoriak dioen legez, nahasteak ekarri du berrikuntza. Olerkia, irudia, musika, bertsoa eta antzerkia oratu eta, denek bat eginda, Gabriel Arestiren, baina ez bakarrik haren, artearen goraipamen sutsua oholtzaratu dute, sabeletik, sugarretik ekarria.
Ordu eta erdi eskasean, galdera sakon bat planteatu eta erantzuteko astia ere izan dute: zein da Gabrielen Lekua? Oier Guillanek eta Andoni Egañak idatzi duten gidoian aurkitu dugu erantzuna: Arestiren lekua zu zara, eta Arestiren lekua ni naiz; Arestiren lekua Arriaga da, eta gu ere bagara; Arestiren lekua herria baita. Herriarentzat ez bada, poesia paper hutsa dela esan digute, paperezko kanposantura zuzenean bideratutako akto onanista.
Aipu gogoangarri ugari izan ditu obrak, eta hona eder bat: “poeta txarrak ez du ezer esaten; onak hunkitu egiten gaitu; eta gorenak… gorenak irakurlea astintzen du”. Poeta gorena, poeta-mailua deritzotena, herriaren funtsak eta oinarriak dardaran jartzen dituena da.
Eskerrik asko, beraz, Arestiren dardarizoa sentiarazi, eta Artearen Gaineko Master Class apartekoa eskaini digutelako.
iturria: http://www.zenbatgara.org/1639
Agus Perez antzerki kritikariak BERRIA egunkarian
Kritika. Sentikaria
Zertarako idatzi
Agus Perez
‘Gabrielen lekua’
Lekua: Bilboko Arriaga antzokia.
Eguna: Urriak 29.
Bilboko Arriaga antzokia ondo beteta zegoela estreinatu da Gabrielen lekua sentikaria. Sentikaria, zentzumenei zuzendutako lana delako, eta zentzumenei baino gehiago enteleguari —ez hainbeste bihotzari— zuzendua delako.
Testuak, antzezpena, musika, bertsolaritza eta irudi proiektatuak izan dira emanaldiaren osagaiak, baina elementuok bereizteko nolabaiteko ahalegina egin behar dugu, elkarlan sakonean aritu direlako guztiak, Gabriel Arestiren pentsamendua eta ondarea bere garaitik gaurko gizarteraino ekartzeko. Lerro hauek idazten ditudan bitartean konturatzen naiz orduko orainaren bidez aldarrikatu zuela Arestik Euskal Herriaren geroa, eta inguru beltz hura bihurtu zela bere unibertsaltasunaren oinarria. Sentikariaren sortzaileek ere horrela ulertu dute Arestiren mezu profetikoa eta —bakoitza bere esparrutik eta erabateko zintzotasunetik— denak ahalegindu dira poetak gaurko jendeari esateko duena agerrarazten.
Bide horretatik, bederatzi lezio jarri dizkio Eme liburuzain helduak olerkari izan nahi duen Lur neska gazteari, eta ene uste apalean horretan datza emanaldiaren mezurik sakonena: Eme desenkantuan bizi da hainbat borrokatan ibili ostean, eta Lur gazteak idaztearen zertarakoa deskubrituko du Emeren lezioei esker. Bide horretan, ezinbesteko baldintzak izango dira barneko sua sentitzea, minaren akuilua, ahots propioaren bilaketa eta, batez ere, mandatua, herriaren, patuaren, kontzientziaren mandatua. Gehiago irakurri
Josu Torrek DEIA egunkarian GABRIELEN LEKUA sentikaria ikusentzun ostean idatzitakoa
DONOSTIAKOA aurre aurkezpentzat jo beharko, herenegun Bilbaoko (ez Bilbo arren, zion hark) Arriagan zinezko lekua egin ziotelako lau sortzailek Gabriel Aresti poeta handiari. Negar malko bat pausatu zitzaidan masailean, Gabriel, Meli, Bego, Natxo, Leo eta seiok, Arriaga Petit deitzen zen eraikinaren atzealdeko tabernan trago bana egin genuelako, euskal poesiaren iraultzailea etxetik atera zen azken aurreko egunean. Oso gaixo zegoen nire semeari Gurutzetan bisita egin ondoren. Literaturatik haratago joan naiz, gizakia, horixe, gizaki delako idazle, poeta edo beste edozer baino lehenago. Aresti poeta eta idazleari diodan miresmen izugarriaren parekoa delako, Gabriel lagun eta maisuari diodana. Haren bizitzaren azken lau urteetan izan genuen harremanak, eta sei urte lehenago ezagutu nuenekoak, nire harrezkeroko ildoa markatu duela esateko lotsarik ez dut; alor batzuetan izan dudan eredu bakarra delako.
Norbere kontutik harago, eta lehena ez ba da ere, aspalditik ongi merezi duen lekua egin zioten Alain Urrutia, Andoni Egaña, Oier Guillan eta Rafa Rueda, euskal sor-tzaile bikainak, Iban eta Naia musikariak eta Ainhoa eta Iraia aktoresak, orduterdi luzeko ikuskizun apartan. Deklamazio, bertso, an-tzezpen eta testu musikatu denak, Arestiri justizia egiten dion berritasun eta iraultzaz bete zuten Arriagako giro eta aire oro. Haren poesia egiteko era urratzailea, transgresorea. Lege eta arauetatik haratago doan bide latzeko kalitatezko lirika.