Gabrielen lekua | Gabriel Aresti Kultura Elkartea

GABRIELEN LEKUA sentikariaren aurrestreinaldiaren afixa

2013/10/042013/10/04 jabea

Alain Urrutia- Oihana Leunda ( ATOAN)

Urriaren 12ko aurrestreinaldiaren atarian, entsegu lanetan

2013/09/302013/09/30 jabea

Urriaren 12an, iluntzeko 20:00etan Donostiako Intxaurrondo kultur etxean gauzatuko dugun aurrestreinaldiaren atalasean, Oreretako Niessen aretoan entsegu lanetan aritu gara Ainhoa Alberdi, Iraia Elias, Andoni Egaña, Oier Guillan, Rafa Rueda, Naia Membrillera, Iban Urizar, Ander Fernandez eta Jonan Ordorika. Eskerrik asko Niesseneko arduradunei!

Urriaren 12ko aurrestreinaldirako sarrerak salgai

2013/09/092013/09/09 jabea

Erosteko moduan dituzue urriaren 12an Donostiako Intxaurrondo kultur etxean eskainiko dugun aurrestreinaldirako sarrerak: Hemen

Arrestreinaldi berezia izango da, emanaldiaren ostean, sentikarian parte hartuko duten aktore, musikari, bertsolari, margolari zein idazleekin solasean aritzeko aukera izango baitu bertaratzen denak.

Disko-libururako kantuen grabaketa lanak amaitu ditugu

2013/09/042013/09/04 jabea

Prest ditugu jada GABRIELEN LEKUA sentikariaren osagarria den izen bereko disko-liburuko kantuak. Laster disko horretako kantu bat entzungai izango duzue webgune honetan bertan.

Alain Urrutiaren iruditeria GABRIELEN LEKUA sentikarirako

2013/08/292013/08/29 jabea

SIC

Eta orduan burjes-bidean

zoan

aristokrazia

mehar

hark,

ekartzen ziautak

gogora

oraingo

burjesia

makal

hau,

kondenaturik dagoena,

burjesia triste hau.

© Gabriel Aresti

GABRIELEN LEKUA disko-liburua: Bilbaoko kaleak

2013/08/262013/08/26 jabea

BILBAOKO KALEAK

Gabriel Aresti , 1967

Entzun ahala irakurtzeko:

Bilbaoko kaleak,

gora eta behera,

errekatik mendira,

batzuk artezak,

gehienak zeiharrak,

lurra estali da

etxez eta gizonez,

gizonak leku batetik bestera

eramateko

makinez,

bizioz eta bekatuz,

karitatez eta kriminaz,

plaza biribilak,

zumardi zabalak,

zuek

niri

gogora

ekartzen didazue

nire asmo zaharra,

behin egin nahi ukan nuen

eta

inoiz egin ez dudana,

Autonomia,

Adiskidetasuna,

Bakea,

Libertatea,

Foruak,

maitatu ditudan gauzak,

Urkijo ministroa,

Gardoki kardinalea,

Mazarredo almirantea,

Egia jenerala,

Arrikibar ekonomista,

higuindu ditudan gizonak,

kaleak,

kale motzak,

kaleak hemendik, hortik,

handik,

edonundik,

Gorbeiara joateko gutizia sortzen zait barrenean,

bertan organizatzeko euskeraren salbazioa,

baina hemen geratzen naiz,

kale arte honetan,

milagro baten zai,

egunero bizarra kenteari uzteko

nahikoa kurajerik

ez baitut.

Azaroaren 1ean Ondarrun

2013/08/122013/08/12 jabea

Azaroaren 1ean Ondarrun eskainiko dugu GABRIELEN LEKUA sentikaria

2013ko Udagoieneko Ostera kultur zirkuituan parte hartuko dugu

2013/07/252013/07/25 jabea

Topagunea euskara elkarteen federazioak antolatzen duen Udagoieneko Ostera kultur zirkuituan Gabrielen Lekua sentikaria eskainiko dugu.

Azaroaren 28an izango da, Bermeoko Kafe Antzokian

Gabriel Aresti eta Nestor Basterretxea

2013/07/062013/07/06 jabea

Gabrielen Lekua sentikariko gidoilari lanetan ari den Andoni Egañak Gabriel Aresti eta Nestor Basterretxea elkartu ditu BERRIArako idatzitako artikuluan

Bi aipamen

Andoni Egaña

Biak izan dira albiste azken egunotan. Gabriel Aresti eta Nestor Basterretxea. Bilbotarra eta bermeotar gipuzkoartua. Harrizko herri hau-ren eskuizkribua Arantzazun zegoen eta Gabrielen familiaren esku jarri dute frantziskotarrek batetik. Bestetik, Gipuzkoako Foru Aldundiak Nestor Basterretxeari urrezko domina ematea erabaki du. Eta lehenik burutik pasatu zaidana izan da, Euskal Herrian, botelasterrean galdera egingo bagenu bietan zein zen zaharragoa, alegia, nor jaio zen bestea baino lehen, erantzun xelebre askoak jasoko genituzkeela. Bata duela ia berrogei urte hil zen, eta bestea bizirik dago, eta duela oso gutxira arte batean eta bestean ikusi ahal izan dugu, bere sormen lanean tinko eta gizarte gaietan parte hartzaile.

Ez dirudi, pentsatzen jarri gabe, baina Basterretxea Aresti baino dezente zaharragoa da. Ia hamar urteren aldea. Gure irudipen kolektiboan, ordea, horrelakorik izateko gai bagina behintzat, bata aspaldikoa da, eta bestea oraindik ere gaur egungoa. Ondorioa nabarmena da alde horretatik: bizirik egotea bezalakorik ez da bizi zarela ohar daitezen. Gehiago irakurri